Ćisk (JT/SN). Tradicionalny nalětni swjedźeń wjesneho kulturneho towarstwa je minjenu sobotu mnohich hosći do Ćiska přiwabił. Město měnjateho aprylskeho wjedra wšak so słónco ze swojeje najrjeńšeje strony pokazowaše. Při lóštnej hudźbje Kamjenskeje dujerskeje kapały dachu sej wopytowarjo gulašowu poliwku, pražene kołbaski, plincy a wulki wuběr samopječeneho tykanca zesłodźeć. Při stejnišćach z wudźěłkami wuměłskeho rjemjesła bě stajnje wjele ludźi, kotřiž pak jenož njehladachu, ale sej tež to a tamne kupichu abo so z rjemjeslnikami rozmołwjachu.