Protestowacy wobaraja so zawrjenju porodneje stacije a gynekologije

Kamjenc (SN/MiR). Wjace hač 500 ludźi je zašły pjatk na Kamjenske torhošćo ­přichwatało, zo bychu za zachowanje ­porodneje stacije a gynekologije w Kamjenskej chorowni swj. Jana demonstrowali. K tomu bě něšto dnjow do toho ­załožena iniciatiwa „Zwjazk za přichod“ namołwjała. 23. apryla bě jednaćelstwo chorownje připowědźiło, zo wotrjadaj 31. meje zawrje. Mjez syłu ludźi z Kamjenca, blišeje wokoliny a ze zdalenišich kónčin bě tež nadměru wjele serbskich swójbow. To jimaše mjez druhim w chorowni skutkowacu babu Terezu Wokowu: „Jako baby dyrbimy sej wuwědomić, zo bórze posledni króć swójbje durje za porod wočinimy a zo so posledni króć nowe žiwjenje do našich rukow narodźi. Stejimy tu za swójby a za tych, kotřiž chcedźa swójbu załožić, a za wšitke dźěći, kiž maja so narodźić.“ Kamjenski wyši měšćanosta Michael Preuß (njestronjan) připowědźi za 13. meju informaciski ­wječork w Kamjenskim měšćanskim dźiwadle. „Přeprošamy tam politisce roz­sudźacych, nawodnistwa chorownje swj.