Wo zmysle winowatostneho nadawka zarjadniskeho zwjazka diskutowali

Pančicy-Kukow (SN/MWj). Hač do lěta 2028 ma so za sobustawske gmejny zarjadniskeho zwjazka Při Klóšterskej wodźe komunalny plan zastaranja z ćopłotu zdźěłać. Na swojim zašłym posedźenju su čłonojo zhromadźizny zarjadniskeho zwjazka rozsudźili, zo ma firma z Drježdźan za něhdźe 32 000 eurow plan za to zdźěłać. Při tym njenastanje cyłkowny plan za cyły zwjazk, ale pjeć jednotliwych za kóždu gmejnu, předsyda zarjadniskeho zwjazka Stefan Anders rozłoži.