André Bulank zhladuje na swoje zastojnstwo jako wjesnjanosta
Njebjelčicy (StŠ) Wot spočatka awgusta njeje André Bulank hižo wjesnjanosta gmejny Njebjelčicy. Krajnoradny zarjad je Bulanka na jeho přeće z čestnohamtskeho zastojnstwa wuwjazał. Minjeny pjatk je Bulank na internetnej stronje gmejny wobšěrne wróćozhladowanje na swój čas jako wjesnjanosta wozjewił. Na dohromady 29 stronach podawa přehlad wo naprawach, kotrež je poslednje štyri lěta zhromadnje z gmejnskej radu, towarstwami, staršiskimi iniciatiwami a wězo z wobydlerjemi nastorčił. Kóždemu přikładej slěduje krótke wujasnjenje, čehodla běše naprawa trěbna a kotre konsekwency je za wobydlerjow a gmejnu měła.
