Wopomnišćo w Słonej Boršći wostanje šulerjam w pomjatku
Słona Boršć (SN/MiR). Wjace hač połsta ludźi je so zašłu njedźelu na wopomnišću w Słonej Boršći zešło, zo bychu na w lěće 1945 morjene 43 žonow židowskeho pochada spominali. Mjez wopytowarjemi njeběchu jenož wobdźělnicy busoweje jězby, kotraž so we wobłuku festiwala „kommen & gehen“ wotměwaše, ale tež wjacori wobydlerjo wsy.
