Tydźenja bě so mała skupina Worklečanskich wolejbulistow do Prahi podała. Tam měrjachu so z mustwami wšelakich krajow w starobnej klasy pod 22lětnych. Nimo jendźelskich, rakuskich a čěskich hrajerjow běše tam tež mustwo ze Šwicarskeje. W hrajnej stafli bě tak sydom mustwow, kotrež so na pjatk a sobotu mjez sobu wubědźowachu. Worklečenjo rozsudźachu štyri hry za sebje a docpěchu w tabulce třeće městno. Jenož prěnje štyri mustwa tabulki kwalifikowachu so za połfinale. Serbske mustwo podleža sobotu wječor nažel Čecham w połfinalu a tak móžachu so jenož hišće na třeće městno nadźijeć. W hrě wo třeće městno pak falowachu jim mocy a tak přěhrachu hru přećiwo sylnym hrajerjam z Londona. Poslednja hra bě po wukonje bjez wuspěcha, tola atmosfera w hali bě wulkotna. Mustwo z krajneje stolicy Worklečanow sylnje z přikleskom podpěraše. Bě rjenje dožiwić, kak sport ludźi z rozdźělenych krajow zwjazuje! Ludźo, kotřiž běchu přichwatali, wysoki niwow wolejbula jara chwalachu. Hry wobsahowachu spěšne, napjate a jara sylne nadběhi.