Budyšin (CS/SN). Připowědźenje, zo Lukas Rietzschel prěnje zarjadowanje noweje sezony w rjedźe „Łužiska literatura do připołdnja“ Němsko-Serbskeho ludoweho dźiwadła wuhotuje, zbudźi wulki zajim. Tuž njejsu čitanje kaž hewak na małej žurli Budyskeho Dźiwadła na hrodźe přewjedli, ale na wulkej žurli. Ta bě minjenu njedźelu hač na poslednje městno wobsadźena. W srjedźišću ste­ješe jeho nowy roman „Sanditz“, kiž bě nalěto wušoł a kotryž zdźěla w poslednich lětach NDR, zdźěla pak tež w přitomnosći jedna.