Worklecy (SN/StŠ). Nic jenož wjesnjenjo so sobotu rano dźiwachu, jako we Worklecach ćežke wobchadne njezbožo a syły wuchowanskich pomocnikow wuhladachu. Hdyž pak zhonichu, zo njeje so nikomu ničo stało a zo je wšitko jenož zwučowanje, přiwabi to tójšto wjesnjanow a druhich wćipnych k hornjemu hatej.
„Zwučowanje smy prěnjotnje za wukubłacych nuzowych sanitetarjow přihotowali. Woni dyrbjachu spóznać, zo sami při njezbožu zranjenej wosobje z awtow wuswobodźić njemóža a zo trjebaja za to pomoc wohnjowych wobornikow“, rozkładźe Smječkečan Měrćin Nowak. Wón je zwučowanje spřihotował a organizował. Tež alarměrowani wohnjowi wobornicy z Worklec, Smječkec a Pančic-Kukowa njewědźachu do toho zo je wšitko jenož inscenowane.
