Strach a bjezsparne nocy poručenje

póndźela, 26. oktobera 2026
artikl hódnoćić
(0 )
Z nowym wosebitym płotom, kotryž je po formje nachileny, Gerat Šmit swoje wowče stadła tuchwilu před wjelkom škita. Hač pak wone wowcy před nowymi nadpadami rubježnikow škitaja, na tym wowčer Šmit dwěluje.  Foto: Stefan Šmit Z nowym wosebitym płotom, kotryž je po formje nachileny, Gerat Šmit swoje wowče stadła tuchwilu před wjelkom škita. Hač pak wone wowcy před nowymi nadpadami rubježnikow škitaja, na tym wowčer Šmit dwěluje. Foto: Stefan Šmit

Plahowarjo drobneho skotu so wjelkow dla starosća

Hórki/Njebjelčicy (SN/StŠ). „Kóžde rano, hdyž k swojim wowcam won jědu, z tym liču, zo nadeńdu zaso wustróžane stadło abo skusane resp. mortwe skoćata.“ Takle serbski wowčer Gerat Šmit z Hórkow swoju tučasnu situaciju wopisuje. „Nětko w nazymje wjelki swoje młodźata nawuča, kak maja honić. To rěka, zo jim pokazaja, kak přez płoty skoča, kak za zwěrjatami honja a kak je skusaja. Druhdy hakle na druhi abo třeći pohlad maćernu wowcu abo młode jehnjo widźu, kotrež je zranjene. To rěka, zo wjelki wowcy druhdy docyła nježeru, ale kusnu wowcam do kyrka. Tute potom hižo nježeru, štož rěka, zo dyrbju je zatřělić.“

Hižo w prěnim połlěće běchu po cyłej Sakskej lětsa wjace nadpadow wjelkow zličili hač loni w samsnym času. Po statistice su wjelki lětsa hač do kónca julija dohromady 73 razow skót nadpadnyli a při tym 200 skoćećow – zwjetša wowcy, ale tež kozy a kruwy – skusali. Po tučasnym ličenju je po cyłej Sakskej dohromady 35 wjelčich stadłow, a tendenca stupa. Aktualne ličby maja so tutón měsac w tak mjenowanym lětnym monitoringu předstajić.

wozjewjene w: Łužica
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo