W Krakecach su so zašłe tydźenje ­wo to starali, zo tam wulka woda hižo žanu škodu načinić njemóže. Ale tež do toho hižo je Kubšiska gmejna do škita­ přećiwo wulkej wodźe mócnje inwestowała.

Kubšicy/Krakecy (UM/SN). Na zapadnej kromje Krakec je minjene tydźenje na dołhosći 240 metrow něhdźe jedyn hač do połdra metra wysoki zemski nasyp nastał. Wón ma wjesny dźěl Kubšiskeje gmejny před wulkej wodu a błótom škitać, kotrejž po sylnych zliwkach z polow do wsy ćečetej. Gmejnska rada bě w awgusće wotpowědny nadawk předewzaću z Nossena přepodała. Nasyp je posledni dźěl cyłeho walčka naprawow, kotrež je gmejna planowała a zwoprawdźiła.