Parkowanišćo w Kamjencu ma nowy system registrowanja

Kamjenc (SN/MWj). Štóž je minjene tydźenje na parkowanišćo Kamjenskeje chorownje swjateho Jana přijěł, je so snano­ wjeselił, zo tam hižo žanu zawěru nimaja. Hač drje je parkowanje nětko darmotne? Ně, to wone njeje. Jenož system je so změnił, a to hižo spočatk oktobra, kaž chorownja na swojej internetnej stronje zdźěla. Dotalna technika zawěrow bě po něhdźe 25 lětach dodźeržana, tak zo by so wuměnić dyrbjała. Tuž je so chorownja za nowy system rozsudźiła, kajkiž so tež hižo na mnohich druhich parkowanišćach wužiwa.