Budyšin. Serbski gymnazij Budyšin přeprošuje wutoru, 17. nowembra, na dźeń wotewrjenych duri. W času wot 16 do 18.30 hodź. móža sej zajimcy kubłanišćo wobhladać, so z wučerkami a wučerjemi rozmołwjeć a so wo šulskim žiwjenju informować. Tež internat budźe w tutym času za wopytowarjow přistupny.

Lětuši posledni koncert

Pančicy-Kukow. Kaž je hižo wjele lět z wašnjom, wotměje so tež lětsa posledni nazymski koncert na předwječoru pokutneho dnja, potajkim wutoru, 17. nowembra, w 19 hodź. w awli Šule Ćišinskeho w Pančicach-Kukowje. Koncert wuhotuje spěwna skupina Wólbernosće z Pančic-Kukowa. Spěwarki a spěwarjo pěstuja wosebje serbske spěwy z Hornjeje, srjedźneje a Delnjeje Łužicy. Do repertoira pak słušeja tež pólske, ukrainske, ruske, morawske, čěske, słowakske, słowjenske a bołharske pěsnički, kiž pre­zentuje spěwna skupina jara rady tež w nowym šaće a ze šćipku humora. Na koncerće budźe mały wuběr napojow na předań. Zastup płaći 7 eurow.

Na młodźinski nyšpor