Budyšin (SN/MiR). LND Ludowe nakładnistwo Domowina předstaji pjatk wot dopołdnja w 9 hodź. dźěćom Ralbičanskeje a Chróšćanskeje pěstowarnje swoju najnowšu knihu za dźěći „Moje najlubše domjace zwěrjata“. K tomu su sej mjez druhim skótnu lěkarku Saru Bjeńšec přeprosyli. Tohorunja poskića LND předčitarjam, kiž w kubłanišću na tutym dopołdnju tohorunja předčitaja, mały knižny wuběr lětušich nowostkow.
Tež Budyski Rěčny centrum WITAJ pyta zaso zajimcow, kotřiž bychu dźěćom w pěstowarni kaž tež šulerjam na zakładnych šulach předčitali. Z tutym dnjom a čitanjom posrědkuja čitacy swoju zahoritosć za čitanje a pohnuwaja dźěći k tomu, sej swět literatury wotkrywać.





