Abiturientki a wučerjo dobyli

štwórtk, 14. junija 2018
artikl hódnoćić
(0 )
Na wolejbulowym duelu na Serbskim gymnaziju su wučerjo dwanatkarjow lětsa z 3:0 porazyli. Wučerki  pak podležachu maturantkam 0:2. Zady wotlěwa: Christiana Bukec, Christina Brězanec-Žurowa, Ann-Marie Leidig, Gabriela Jendrewscyna, Clara Heller, Kira Hrjehorjec, Alexandra Metzgerowa; klečo wotlěwa: Konrad Lipič, Rejzka Rawšec, Tereza Wićazowa, Sophie Poldrakec a Judit Škodźina.  Foto: Měrko Korjeńk Na wolejbulowym duelu na Serbskim gymnaziju su wučerjo dwanatkarjow lětsa z 3:0 porazyli. Wučerki pak podležachu maturantkam 0:2. Zady wotlěwa: Christiana Bukec, Christina Brězanec-Žurowa, Ann-Marie Leidig, Gabriela Jendrewscyna, Clara Heller, Kira Hrjehorjec, Alexandra Metzgerowa; klečo wotlěwa: Konrad Lipič, Rejzka Rawšec, Tereza Wićazowa, Sophie Poldrakec a Judit Škodźina. Foto: Měrko Korjeńk

Rjana tradicija na Serbskim gymnaziju Budyšin (SGB) je, zo wučerjo a roz­žohnowacy so abiturienća na kóncu šulskeho lěta hišće raz při wysokim saku­ mocy měrja.

Po jubilejnym 25. duelu muskeje gene­racije w juniju 2017, kotryž pedagogojo z 2:1 dobychu, dóńdźe minjeny tydźeń k dalšej partiji w sportowni Budy­skeho Serbskeho šulskeho a zetkawanskeho centruma. Kónčne 3:0 za aktualneho wokrjesneho mištra wučerjow klinči jasne, ale dwanatkarjo dopokazachu, zo běchu runohódny partner. Při stawje 24:23 w druhej sadźbje skićeše so jim šansa na wu­runanje. Woni pak worachu nje­trjebawše zmylki. Tak sej peda­gogojo z wjetšej rutinu trěbnej dypkaj zawěsćichu. Prěnju sadźbu přěhrachu šulerjo z 17:25, dokelž praskachu hnydom sydom nadaćow do saka abo zwonka pola. W třećim přechodźe bě jich wotebraće nadaćow přenjedokładne a nadběhi wuličomne. Wučerjo so z 25:16 přesa­dźichu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND