Krótkopowěsće (15.08.18)

srjeda, 15. awgusta 2018
artikl hódnoćić
(0 )

Nahles w Delnjej Łužicy

Wjelcej. Předsydka SPD Andrea Nahles je dźensa popołdnju delnjołužiske městačko Wjelcej wopytała, zo by sej přehlad nastupajo strukturnu změnu we Łužicy tworiła. Wona chcyše z wobydlerjemi runje­ tak kaž ze zastupjerjemi hospo­darstwa w brunicowym regionje rěčeć. Łužica nadźija so za kónc wu­do­bywanja brunicy pomocy Zwjazka, zo bychu so nowe industrije zasydlili.

Bóle čitać wuknyć

Hamburg. Nimale pjećina dźesaćlětnych dźěći w Němskej njemóže prawje čitać. Prominentni, mjez druhim spisowaćeljo Kirsten Boie, Ulla Hahn, Ulrich Wickert a dalši žadaja sej wot kubłan­skeje politiki, wuknjenje čitanja a čitanje zesylnić. 25 podpisarjow zahaja dźensa na platformje change.org peticiju „Kóžde dźěćo ma čitać wuknyć!“

Socialne kubłanje sylnić

Budyšin. Na 45 šulach Budyskeho wokrjesa skutkuja wotnětka šulscy socialni dźěłaćerjo. Tole je młodźinski zarjad­ Budyskeho krajnoradneho zarjada wčera wozjewił. Mjez nimi je 27 šulow w zjawnym nošerstwje. Nimale wšitke městna móžeše zarjad z fachowymi moca­mi wobsadźić. Lětsa chce wo­krjes za nich 1,5 milionow eurow wudać, wjetši podźěl přewozmje Sakska.

Rudy Bayerow wopušći

Lipsk. Němski narodny kopar Sebastian Rudy přeńdźe wot rekordneho mištra FC Bayern Mnichow k ligowemu konkurentej RB Lipsk. Tón přepokaza Bayeram za srjedźopólneho hrajerja 15 milionow eurow. 28lětny Rudy, wón bě lětsa tež w Ruskej na swětowych mišterstwach, ma pola Saksow Nabyja Keïtu narunać, kiž je k FC Liverpoolej šoł.

Alonso karjeru zakónči

Woking. Fernando Alonso so kónc sezony z formule 1 rozžohnuje. To zdźěli­štaj wčera 37lětny Španičan a jeho team McLaren. „Widźimy, što přichod přinjese. Na mnje čakaja wosebite wužadanja“, ­rjekny dwójny swětowy mišter. Jeho wulki cil je, trójnu krónu sej zawěsćić. To su triumfy pola klasikarjow Indy 500, Wulkeho myta formule 1 w Monacu a Le Mansu. Indy 500 njeje hišće dobył.

wozjewjene w: Krótkopowěsće
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND