Wuspěch za Budyski billardowy dorost

wutora, 13. nowembera 2018
artikl hódnoćić
(0 )
Janoš Nuk z Budyšina hraje za billardowy dorost sportoweho towarstwa Budyšin. Serbski gymnaziast je so njedawno na krajnych mišterstwach wobdźělił.  Foto: Michał Nuk Janoš Nuk z Budyšina hraje za billardowy dorost sportoweho towarstwa Budyšin. Serbski gymnaziast je so njedawno na krajnych mišterstwach wobdźělił. Foto: Michał Nuk

Kónc winowca wojowachu sakscy­ billardowcy wo titule krajnych mištrow. W Freibergu zetkachu so najlěpši sportowcy starobnych klasow U 17 a U 19 Vogtlanda, Lipska a Hornjeje Łuži­cy, zo by­chu so w disciplinach pool a karambol wubědźowali. Wšitcy dobyće­rjo zastu­puja klětu w aprylu zhromadnje sakske mustwo na němskich mišterstwach w hessenskim Bad Wildungenje.

Za Budyske mustwo „MSV 04 BiGa Budyšin“ dojědźe sej 13lětny gymnaziast Janoš Nuk do Freiberga, kiž hraje swoju druhu aktiwnu sezonu. Wón chcyše so porno lońšim prěnim nazhonjenjam polěpšić a w najlěpšim padźe wo medalju w poolowymaj disciplinomaj na dźewjatku (9-Ball) a na dźesatku (10-Ball) wojować, hačkuli słuša k najmłódšim hrajerjam.

wozjewjene w: Sport
Prošu přizjewće so, chceće-li komentar podać

Serbska debata

nowostki LND