Krótkopowěsće (06.05.19)

póndźela, 06. meje 2019
artikl hódnoćić
(0 )

Premjera na mejskim nyšporje

Róžant. Mnozy wěriwi su wčera mejski nyšpor Towarstwa Cyrila a Metoda z kapłanom Jensom Bulišom w Róžeńčanskej cyrkwi dožiwili. Wobrubił je jón muski chór Delany pod nawodom Pawoła Šołty-Kulowskeho ze serbskimi a łaćonskimi kěrlušemi. Premjeru měješe choral „Panis angelicus“ z pišćelowym přewodom Chrystofa Mikławška.

Seniorojo SŠT we Wendlandźe

Budyšin. Seniorojo Serbskeho šulskeho towarstwa podachu so wčera na swoju lětušu kubłansku jězbu, a to do Wendlanda. Z přewodom muzejownika Wernera Měškanka z Choćebuskeho Serbskeho muzeja chce sej 44 čłonow SŠT a dalšich zajimcow zbližić něhdyšu słowjansku kónčinu njedaloko Hannovera a so zaběrać z Drjewjanskimi Słowjanami.

Panceraj we wobsydstwje města

wozjewjene w: Krótkopowěsće
Prošu přizjewće so, chceće-li komentar podać

nawěšk

nowostki LND