Krótkopowěsće (12.01.21)

wutora, 12. januara 2021
artikl hódnoćić
(0 )

Wčera mjenje natyknjenjow

Budyšin. Wčera, póndźelu, su w Budyskim wokrjesu wo połsta dalšich natyknjenjach z koronawirusom rozprawjeli, z kotrychž bě 33 hišće z kónca tydźenja. Pjeć pacientow w starobje 54 do 95 lět je zemrěło. Z aktualnje 2 196 schorjenych (-81) lěkuja 175 (+11) w chorowni. Incidenca wučinja tu 515,33. W Zhorjelskim wokrjesu zwěsćichu wčera tři nowoinfekcije a 15 smjertnych padow. Indicenca tam je 467,31.

Kamjenicu wobkrućili

Berlin. Konferenca kulturnych minis­trow je wčera Kamjenicu oficialnje za ­Europsku kulturnu stolicu 2025 powołała a wotum europskich ekspertow jednohłósnje wobkrućiła. Hižo loni planowane wobkrućenje titula běchu kritiki na wu­zwolenym procedere dla přesunyli. W rozmołwje z předsydku jury Sylviju Amann móžachu ministrojo „wotewrjene prašenja nastupajo wuzwolenje rozrisać“.

„Łužiska magistrala“ wabi

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND