Liški trójce za sobu podleželi

póndźela, 13. decembera 2021
artikl hódnoćić
(0 )
Scena z hry Łužiskich liškow přećiwo Heilbronnskim sokołam: Hunter Garlent (65, Běła Woda) w dwuboju z Arkadiuszom Dziamborom (16, Heilbronn) Foto:  Thomas Heide Scena z hry Łužiskich liškow přećiwo Heilbronnskim sokołam: Hunter Garlent (65, Běła Woda) w dwuboju z Arkadiuszom Dziamborom (16, Heilbronn) Foto: Thomas Heide

Poslednje zbožo falowało

Łužiske lodohokejowe liški –

Lawy Frankfurt 2:3 (0:1, 0:1, 2:1)

Na 18. hrajnym dnju druheje najwyšeje lodohokejoweje ligi Němskeje (DEL 2) podležachu Łužiske lodohokejowe liški prěnjemu DEL 2 snadnje z 2:3. Hižo po 18 sekundach steješe Ryon Moser swobodny před wrotarjom domjacych Tobiasom Ančičku. Po 45 sekundach pospyta so Clarke Breitkreuz před Bastia­nom Kucisom. Wobaj poslednjej mužej pak swoje wrota zakitowaštaj. Slědowaše faza­, w kotrejž stej wobě mustwje wjele ći­šća­ wukonjałoj, ale wuspěch žadyn njewuskoči. Prěnje wrota padnychu po konteru. Darren Mieszkowski z centralneje pozicije wotzamkny. Třělwa bu dwójce wotfalšowana, a puk dźěše mjez nohomaj Ančički k 0:1 (10.) do syće. Liški drje so dale a lěpje do hry namakachu a sej wjace dobrych šansow wuhrachu, ale poslednje zbožo před wrotami jim falo­waše.

wozjewjene w: Sport
Prošu přizjewće so, chceće-li komentar podać

Serbska debata

nowostki LND