Štyri dypki sej zawěsćili

srjeda, 15. decembera 2021
artikl hódnoćić
(0 )
Znajmjeńša pjeć serbskich přiwisnikow z Róžanta a Sernjan je sej zašły pjatk načolnu hru w Choćebuzu wobhladało. Na wobrazu widźeć je Sernjanska trójka Justus Obst, Gregor Obst a Jurij Bjeńš (wotprawa).  Foto: Jurij Bjeńš Znajmjeńša pjeć serbskich přiwisnikow z Róžanta a Sernjan je sej zašły pjatk načolnu hru w Choćebuzu wobhladało. Na wobrazu widźeć je Sernjanska trójka Justus Obst, Gregor Obst a Jurij Bjeńš (wotprawa). Foto: Jurij Bjeńš

Po wurunanju tola hišće dobyli

FSV Luckenwalde –

FC Energija Choćebuz 2:3 (0:2)

Zestawa hosći: Stahl – Hasse, Eisenhuth, Hildebrandt, Borgmann, Kujović, Hofmann, Proničew (59. Erlbeck), Schulz (84. Geisler), Engelhardt, Zografakis (90.+2 Böhmert)

slěd wrotow: 0:1 Proničew (22.), 0:2 Hildebrandt (29./jědnatka), 1:2 Göth (55.), 2:2 Rothenstein (59.), 2:3 Engelhardt (87.)

Po šestym dobyću w sedmej hrě je so FC Energija Choćebuz na druhe městno w tabulce regionalneje ligi-sewjerowuchod sunyła. Lok Lipsk drje móže FCE z dobyćom w nachwatanskej hrě hišće přesćahnyć, dyrbi pak najprjedy raz dobyć­. Partija w Luckenwaldźe běše so z dramatiskej scenu započała. Něhdyši wrotar Energije André Thoms bu wot sobuhrajerja tak jara do hłowy kopnjeny, zo je bjez wědomja ležo wostał, a dyrbjachu 39lětneho do chorownje w Podstu­pimje dowjezć. Po šoku FC Energija hru dominowaše, tak zo nastachu dwoje jednore wrota. Jako pak widźeše Arnel Kujović žołto-čerwjenu kartu, mějachu Choćebuženjo z mužom mjenje wulke ćeže. Po wólnym kopje Jonasa Hofmann ste­ješe Erik Engelhardt na prawym městnje. Z hłowu so jemu hišće 3:2 poradźi.

Za hosćićela wjac móžno było

wozjewjene w: Sport
Prošu přizjewće so, chceće-li komentar podać

nawěšk

nowostki LND