Krótkopowěsće (17.12.21)

pjatk, 17. decembera 2021
artikl hódnoćić
(0 )

Incidenca snadnje niša

Budyšin. Roberta Kochowy institut je dźensa za Budyski wokrjes incidencu 896,3 a za Zhorjelski 657,3 podał. We wokrjesu Budyšin zwěsćichu wčera 697 natyknjenjow z koronawirusom a štyri smjertne pady. Wo 283 nowoinfekcijach informowaše Zhorjelski wo­krjes, kotryž je wčera statistiku zemrětych wo dwanaće z doby wot 30. nowembra do 10. decembra wudospołnił.

Doktorske dźěło zakitował

Praha. Lektor za delnjoserbšćinu na Instituće za sorabistiku Lipšćanskeje uniwersity Stanislav Tomčík je wčera swoju disertaciju na Karlowej uniwersiće w Praze wuspěšnje zakitował. „Rěč nacionalsocialistiskeje propagandy we łužiskoserbskich ćišćanych wozjewjenjach 30tych lět“ bě tema doktorskeho dźěła. Posudźowałoj stej je dr. Martina Šmejkalová z Prahi a serbska rěčespytnica dr. Jana Šołćina.

Hižo wjac hač 11 300 podpismow

wozjewjene w: Krótkopowěsće
Prošu přizjewće so, chceće-li komentar podać

nawěšk