Krótkopowěsće (09.05.22)

póndźela, 09. meje 2022
artikl hódnoćić
(0 )

Dóstanu wjace mzdy

Choćebuz. Po dwanaće hodźin trajacym jednanju stej so dźěłarnistwo za chemiju, hórnistwo a energiju (IG BCE) a Choćebuski koncern Łužiska energija a milinarnje (LEAG) skónčnje dojednałoj. Přistajeni předewzaća dóstanu štyri procenty wjace mzdy a jónkrótnu sumu we wysokosći 600 eurow. Pjatk popołdnju stej stronje dojednanje podpisałoj.

Start za tydźenje šulskeho kina

Budyšin. Po dwulětnej přestawce su organizatorojo šulskich kinowych tydźenjow přijeli dotal 22 000 přizjewjenjow w 46 kinach Sakskeje. Wot 9. do 20. meje wotewru kina šulskim rjadownjam wšitkich starobnych skupin swoje žurle. Zo by so we wučbje poradźiło wo filmje, kotryž su sej šulerjo wobhladali, rěčeć, předleži wšitkim filmam přewodny pedagogiski material. Zdobom poskićuja kina husto tež rozmołwy k jednotliwym filmam.

Žane nowe pady přizjewili

wozjewjene w: Krótkopowěsće
Prošu přizjewće so, chceće-li komentar podać

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND