Drohoćinku „wróćo zdobyli“
Budyšin. Dźakowano spěchowanju Swobodneho stata Sakskeje a Kulturneje załožby Sakskeje kaž tež darom priwatnikow zamó Muzej Budyšin awkciju dobyć a wuznamny kapsny časnik „Tourbillon čo. 41 000“ kupić. Drohoćinka, zhotowjena w zawodźe Lange & Söhne, bě něhdy we wobsydstwje Otta Weiganga a je so po Druhej swětowej wójnje zhubiła. Přichodnje hodźi so „mišterska twórba“ w trajnej wustajeńcy muzeja wobdźiwać.
50 projektow wuzwolenych
Drježdźany. Sakske statne ministerstwo za kulturu a turizm je cyłkownje 50 namjetam wubědźowanja „Sachsen geht weiter“ spěchowanje po 5 000 eurach přizwoliło. Hač do oktobra maja zapodawacy, mjez druhim Wojerowska Kulturna fabrika a łužiski festiwal „Přińć a woteńć“, chwile, swoje projekty dale wuwiwać.
„Čorna scena“ so schadźuje