Ličby wjelkow wozjewili

Drježdźany. W Sakskej je tuchwilu šěsć wjelčich porikow a 35 wjelčich stadłow. Wo tym informowaše Krajny zarjad za wobswět, ratarstwo a geologiju wčera w swojej rozprawje monitoringa wjelkow. Ze 27 stadłami je Hornja Łužica nadal kónčina z najwjetšej wjelčej populaciju. Nimo toho su so wjelki w třoch nowych teritorijach zasydlili, předewšěm kołowokoło Lipska.

Kak z prawicarjemi wobchadźeć

Radwor. Wčera je so Radworska młodźina we wobłuku projekta „Stabilna serbska młodźina“ ze strategijemi přećiwo anti-serbskim a prawicarskim wuprajenjam kaž tež ze škitom swójskich zarjadowanjow zaběrała. Serbske młodźinske towarstwo Pawk je projekt zhromadnje ze sobudźěłaćerku Domowiny, Melanie Hajnkec, tvBunt a Kulturnym běrowom Sakska w Radworskim Słodeńku wuhotowało.

Čěscy Vietnamjenjo w filmje