Rekordny deficit komunow

Drježdźany. Z 840 milionami eurow hospodarskeho minusa su sakske města a gmejny loni najwjetši deficit w stawiznach zwjazkoweje republiki měli. Wo tym informuje Załožba Bertelsmanna w financnym reporće. W běhu lěta stupachu wudawki komunow wo dźesać procentow, dochody z dawkow pak słabeje hospodarskeje situacije dla stupali njejsu.

Jenička Serbowka mjeno změniła

Budyšin. W zwisku z nowelu němskeho mjenoweho prawa lětsa w meji je Serbski rozhłós naprašowanje w 17 komunach Hornjeje Łužicy přewjedł. Serbska Budyšanka je dotal jenička, kotraž je swoje mjeno we wupokazu po serbskim wašnju bjeze ćežow změnić dała. Nimo trěbnych personalnych dokumentow je za změnu mjena jenož ertne wuznaće k serbstwu trěbne.

Frontex wotnětka tež w Čěskej