Wojerecy wuznamjenjene

Wojerecy. Agentura za wobnowjomne energije (AEE) z Berlina je město Wojerecy jako energijowu komunu měsaca awgusta wuznamjeniła. Agentura sej chwali, zo město hladajo na bližacy so kónc wudobywanja brunicy po nowych pućach za zastaranje z ćopłotu kroči. Tak nastajeja so město a Zastaraćelske zawody Wojerecy na dobywanje energije z trajnych žórłow a na krajne mjezy přesahowace zhromadne dźěło z městomaj Grodk a Běła Woda.

LUCIJA nětko tež w Smjerdźacej

Smjerdźaca. Wot 1. awgusta přewjeduje studijo LUCIJA swoje medijo-pedagogiske poskitki tež w Smjerdźacej. Sobudźěłaćerjej studija Stefan Gedik a Theres Wjeńkec zarjadujetaj tam tuchwilu swój běrow, hdźež chcetaj poskitki za pěstowarnje, zakładne šule a horty přihotować. Zdobom budźetaj we wobłuku cyłodnjowskich poskitkow na šulach mobilnje po puću. W nowej wotnožce ma mjez druhim awdijowa rumnosć nastać.

Přećiwo prawicarjam protestowali