Twarja centrum w Zhorjelcu

Zhorjelc. W Zhorjelcu połoža dźensa zakładny kamjeń za slědźerski institut za twarstwo. W laborje chcedźa wědomostnicy a předewzaća zhromadnje nowe móžnosće za twarjenje přepruwować. Zaměr toho je, zo ma twarstwo eficientniše być. Twarska praksa a digitalna technika wšitkich rjemjesłow měłoj so lěpje zwjazać, sćelak mdr dźensa zdźěli. W projekće dźěłaja Drježdźanska Techniska uniwersita a twarske předewzaća.

Dalšich studentow přiwzali

Drježdźany/Pécs. W madźarskim měsće Pécs nastupja lětsa znowa młodostni ze Sakskeje studij mediciny. Sakske ministerstwo za strowotnistwo a Zwjazk chorobnych kasow Swobodneho stata stajatej za to wospjet 40 městnow na uniwersiće k dispoziciji. Kaž wonej dźensa zdźělištej, so na programje dohromady 211 studentow wobdźěla. Młodostni so zawjazuja, po studiju znajmjeńša pjeć lět jako lěkarjo we wjesnych kónčinach dźěłać.

Kioski a budki maja so zminyć