Biosferowy rezerwat nětko wjetši

Budyšin. Wot dźensnišeho je biosferowy rezerwat Hornjołužiska hola a haty (OHTL) wo 2 300 hektarow wjetši. To zdźěli sakske ministerstwo za wobswět. Cyłkownje je rezerwat nětko 32 000 hektarow wulki. Powjetšenje płoninow rezerwata potrjechi šěsć gmejnow: Wysoku Dubrawu, Rakecy, Chrjebju-Nowu Wjes, Łaz, Malešecy a Sprjewiny Doł. Radźićeljo tutych gmejnow běchu předźěłanju wotpowědneho postajenja přihłosowali.

Na politisku popjelnu srjedu CDU

Budyšin. Na lětušej 32. popjelnej srjedźe w Budyšinje porěčitaj wulkopósłanc Čěskeje republiki Jiří Čistecký a předsyda frakcije CDU w Sakskim krajnym sejmje Christian Hartmann. Zapósłanc sejma Marko Šiman přeprošuje zajutřišim, srjedu, 18. februara w 19 hodź. do Budyskeje měšćanskeje hale „Króna“ na rozmołwu a mjezsobnu wuměnu.

Wjelki w Grodku: Zarjad zapřimnje