Problem z busom rozrisali

Choćebuz. Po protestach Delnjoserbskeho gymnazija bus z Bórkowow po jutrownych prózdninach zaso na zastanišću Lagune blisko šule zastanje. Tuchwilu šulerjo po wučbje na zastanišćo Hubertusowa dróha běža. Te pak je zdaleniše, čehoždla bus hustodosć skomdźa a dyrbja hodźinu na přichodny čakać. Wuslědk jednanjow je Matthias Guttke, direktor gymnazija, serbskemu radiju RBB zdźělił.

Wuchodna Němska inowatiwna

Drježdźany. Drježdźanska Techniska uniwersita je w dobje 2017 do 2021 dohromady 285 patentow přizjewiła. W přirunanju z druhimi uniwersitami po wšej Němskej je to najwjace inowacijow. Dalše uniwersity we wuchodnej Němskej, mjez druhim w Freibergu, Jenje a Rostocku, su w zapisu ličbow patentow mjez 20 najlěpšimi. Cyłkownje bu na wuchodźe republiki 78 procentow wjace inowacijow přizjewjenych hač na zapadźe.

Žane pjenjezy za muzej