Cyril Kola njeboh

Budyšin. W starobje 98 lět zemrě za­wčerawšim w Budyšinje serbski žurnalist, publicist a awtor Cyril Kola. Cyłkownje 22 lět bě wón šefredaktor časopisa Rozhlad a skutkowaše po tym hišće wjele lět na dobro Serbskich Nowin. Rodźeny Radworčan je tež wšelake literarne twórby přełožił a napisał. Tohorunja rozprawješe wo kulturnych a politiskich podawkach w słowjanskim wukraju.

Hódnoća zasłužby Hensela

Łupoj. Za swoje wjelelětne angažowane a njesprócniwe skutkowanje w dobrowólnej wohnjowej woborje Radworskeje gmejny a w młodźinskej wohnjowej woborje Budyskeho wokrjesa přiznaja Alwinej Henselej z Łupoje Zwjazkowy zasłužbowy křiž. Přichodnu wutoru jemu sakski ministerski prezident Michael Kretschmer (CDU) wuznamjenjenje přepoda.

Wuprajenjow dla zludani