Kretschmer w Romje

Vatikan. Sakski ministerski prezident Michael Kretschmer (CDU) je so z delegaciju do Roma podał. Jutře změje wón priwatnu awdiencu pola bamža Leja XVI. Nimo toho maja so regionalne poćahi a zhromadne dźěło mjez Sakskej a regionom Latium wutwarić, statna kenclija zdźěli. Sakskej delegaciji přisłuša tež serbski zapósłanc krajneho sejma Marko Šiman (CDU).

Wuměłstwo wo zaćmiću słónca

Zhorjelc. Pod hesłom „The sun has been eaten!“ wustaja w Zhorjelskej wuměłstwowej hali hač do 3. oktobra 14 mjezynarodnych wuměłcow swoje twórby, kiž běchu składnostnje dźělneho zaćmića słónca w awgusće nastali. Mjez nimi su na přikład Jiří Vyskočil, Yasin Abdel-Hamid kaž tež Serbowka Katja Hrjehorjec. We wobłuku přehladki wuhotuje Kolektiw Wakuum dźensa za tydźeń dźěłarničku „Serbski futurizm“.

Železnica na mjezy z problemami