Mikławšk zastojnstwo złoži

Budyšin. Serbski radźićel Alojs Mikławšk swoje zastojnstwo w Budyskim wokrjesnym sejmiku dočasnje złoži. Kaž ze zdźělenki krajnoradneho zarjada wuchadźa, je Mikławšk wokrjesej wotpowědnu próstwu zapodał. Jako wopodstatnjenje mjenuje Worklečan starobne přičiny. Póndźelu ma wokrjesny sejmik wo próstwje rozsudźić. Tobias Liebschner ma Mikławškej za CDU do wokrjesneho sejmika a tež do dźěłoweje skupiny za serbske naležnosće naslědować.

Schadowanka lětsa njebudźe

Choćebuz. Lěto a mjenje publikuma a wotprajenje chóra delnjoserbskeho gymnazija stej hłownej přičinje za to, zo Załožba za serbski lud lětsa delnjoserbsku Schadowanku njewuhotuje. Tole rjekny zamołwita załožby Sylka Laubensteinowa-Polencojc w rozmołwje z našim wječornikom. Tohodla pojědźe lětsa bus z Delnjeje Łužicy na hornjoserbsku schadźowanku w Budyšinje. Tež wo swójskim programowym dypku Delnjoserbja tuchwilu rozmysluja.

Wokrjes teleskop podpěruje