Dóstanu nowu jědźernju

Budyšin. Serbski šulski a zetkawanski centrum w Budyšinje dóstanje nowu jědźernju. Tole je krajnoradny zarjad wčera na naprašowanje Serbskich Nowin zdźělił. Dźensa wotměje so w kubłanišću šulska konferenca, hdźež zamołwitych šule dokładnišo wo tym informuja. Zaměr twarskeje naprawy je, zastaranje šulerjow z jědźu polěpšić a dołhodobnje zaručić. Tuchwilu su kóšty we wobjimje 3,5 milionow eurow za to předwidźane.

Zastupny pjenjez tež w Zhorjelcu

Zhorjelc. Wot přichodneho měsaca maja wopytowarjo Pětroweje cyrkwje w Zhorjelcu zastup zapłaćić. Za wopyt žadaja sej tři do sydom eurow. Dochody maja zachowanju pomnika słužić. Wobydlerjo Zhorjelca, dźěći kaž tež šulerjo a studenća změja dale darmotny zastup. Tež wěriwi, kotřiž chcedźa kemše abo nutrnosć wopytać, njetrjebaja zastup płaćić.

„Wotkrywarjo přichoda“ so zešli