„Romantica“ so zaso wotměje

Budyšin. Woblubowana nakupowanska nóc „Romantica“, kotraž bě loni wupadnyła, so lětsa zaso wotměje. Sobotu, 7. nowembra, wočakuje hosći w Budyšinje wot 16 do 22 hodź. pod hesłom „Sagenhaft shoppen“ wotměnjawy program wobchodnikow, korčmarjow a wuměłcow. Wo detailach chcedźa towarstwo Nutřkowne město Budyšin, management centruma města a měšćanske zarjadnistwo kónc oktobra informować.

Wo prawach dźěći rěčeli

Njebjelčicy/Ralbicy/Radwor. Wjace hač 100 dźěći ze serbskich wosadow je so minjene dny na „Stark-Mach-Tag“ mjenowanym projekće dekanatneho dušepastyrstwa za dźěći wobdźěliło. Tema­tisce zaběrachu so z prawami dźěći kaž tež z reziliencu w napjatych situacijach. Wjeršk trójce wotměwaceho so zarjadowanja bě wopyt clownow, kotrejž dźěćom temu na žortne wašnje zbližištaj.

Pad wotzamknjeny