Spěchuja zaso małe projekty

Stróža. Towarstwo Hornjołužiska hola a haty (OHTL) znowa namołwja, so na projektowym wubědźowanju wobdźělić. Inwesticije njesmědźa dróše hač 15 000 eurow być, wot kotrychž OHTL 80 procentow přewozmje. Hač do 19. nowembra móža zajimcy projekty zapodać a so spěchowanja nadźijeć. Lětsa steji wuwiće wjeskow w fokusu, z čimž chcedźa žiwjenske poměry na wsach polěpšić.

Zakaz alkohola na dwórnišćach

Berlin. Na wšěch 5 700 dwórnišćach po cyłej Němskej je wot jutřišeho zakazane, alkohol pić. To potrjechi tež 400 dwórnišćow w Sakskej. W gastronomiji wosrjedź dwórnišćow směš sej dale alkoholiske napoje popřeć, tohorunja zwjetša w ćahach. We woprašowanjach je so 80 procentow pasažěrow za tajki zakaz w dwórnišćach a na nastupnišćach wuprajiło, zdźěli Němska železnica.

Dalše spěchowanja za BTU