Dosć wody w Sprjewi zaručeć

Grodk. Łužiski kruh komunalnych politikarjow je ze zwjazkowym ministrom za wobswět Carstenom Schneiderom (SPD) wo tym wuradźował, kak by Sprjewja tež po zakónčenju wudobywanja brunicy dosć wody měła. Wobdźělnicy rozmołwy běchu sej přezjedni, zo ma Zwjazk w přichodźe zastarowanje z wodu na teritoriju Sakskeje, Braniborskeje a Berlina koordinować.

Dołh komunow dale rozrostł

Kamjenc. Po informacijach sakskeho Statistiskeho krajneho zarjada je so zadołženje gmejnow a wokrjesow w swobodnym staće loni porno předlětu wo 641 milionow eurow na dohromady 3,815 miliardow eurow zwyšiło. Přerězne zadołženje na wosobu wučinja mjeztym 947,34 eura.

Češa pija mjenje piwa

Praha. Češa su loni najmjenje piwa w stawiznach statistikow pili. Mjeztym zo zličichu w lěće 2007 přerěznje 159 litrow piwa na wobydlerja, je so přetrjeba loni na 121 litrow ponižiła. Najebać to dźerža Češa nadal europski rekord w piwopiću. W kraju pak zwyša so pře­trjeba nje­alkoholiskeho piwa, kotrež je loni wjace hač 11 procentow cyłkowneho konsuma wučiniło.

Zverev čisło jedyn swěta