ST 1922 Radwor – SJ Njebjelčicy 2:3 (0:3)
Za Radworske mustwo zasadźeni: Šěrak – Weclich, L. Pěčak, M. Grubert, Wjesela, Elsner, Schäfer, Dźisławk, Wencel (87. Wróbl), Buša, Glücklich
Za Njebjelčanske mustwo zasadźeni: Hahn – Wjerš, Hanuza (67. Statnik), Matješk, Plaettner, Korjeńk (84. Marticke), Hrjehor, Rudolf, Krawčik (67. Čornak), Zarjeńk, Wjacławk (60. Vega de Paz)
Po přeswědčacym dobyću 5:2 doma přećiwo Němskim Pazlicam II chcychu Radworčenjo w derbyju přećiwo SJ Njebjelčicy direktnje připołožić a přichodny wuspěch před domjacej kulisu swjećić. Něhdźe sto přihladowarjow namaka puć na sportnišćo a postara so wo hódny ramik za zetkanje. Motiwacija pola hosćićelow, dobry wukon z předchadźaceho tydźenja wobkrućić, bě wulka. Runje na spočatku wupadaše tež za tym, jako móhli hosćićeljo znowa wuspěšne popołdnjo dožiwić.
