Dźiwadło dyrbi lutować

Zhorjelc. Gerharta Hauptmannowe dźiwadło Zhorjelc-Žitawa ma so dołhodobnje z woběmaj stejnišćomaj zachować. To je wuslědk wčerawšeho wurjadneho posedźenja Zhorjelskeho wokrjesneho sejmika. Přiwšěm su sej radźićeljo přezjedni, zo maja so naprawy za lutowanje kóštow zahajić. Tež strukturelne změny su móžne, na přikład domjacy tarif.

Do Zwingera so zadobyć chcyłoj

Drježdźany. Njeznataj staj so po wšěm zdaću do Drježdźanskeho Zwingera zadobyć spytałoj. Mužej běštaj wčera do dwora Drježdźanskeho Zwingera šłoj a měještaj prawdźepodobnje grat za zadobywanje sobu, Drježdźanske statne rěčnistwo a krajny kriminalny zarjad dźensa zdźělištej. Sobudźěłaćer wěstotneje słužby jeju narěča, na čož mužej ćeknyštaj. Nětko pytaja zastojnicy za swědkami.

Čěski prezident mjez kandidatami