Za festiwal so přizjewić
Chrósćicy. Přihotowanski wuběrk mjezynarodneho folklorneho festiwala „Łužica“ je so wčera w Chrósćicach mjez druhim z njedźelnišim serbskim programom zaběrał. Za njón měli so serbske skupiny nětko přizjewić. Tež nowowutworjene rejowanske skupiny su k tomu namołwjene. Ćežišćo wustupa měli serbske reje być, wuběrk na naprašowanje zdźěli.
Stawki dale rozšěrja
Budyšin. Dźěłarnistwo IG metal swoje warnowanske stawki rozšěrja. Wčera su dźěłaćerjo předewzaćow Accumotive w Kamjencu a Arcorsa w Kodersdorfje stawkowali. Dźensa dopołdnja so mjez druhim přistajeni stejnišća Alstom w Budyšinje na stawkach wobdźělichu. Dźěłarnistwo žada sej pjeć procentow wjace mzdy kaž tež podlěšenje tarifowych zrěčenjow. Sobudźěłaćerjo chcedźa ze stawkami ćišć na dźěłodawarjow wukonjeć. Dotal žadyn poskitk njepředleži, wo kotrymž hodźało so jednać.
Kolesowarjo startuja w Budyšinje
