Hentschke mjez top-firmami

Budyšin. Budyska twarska firma Hentschke je prěni raz mjez wuznamjenjenymi top-firmami na platformje kununu. Předewzaće je so za lětsa a klětu kwalifikowało. Wone słuša z tym k pjeć procentam firmow, kiž su na kununu zastupjene a požadany predikat „Top Company“ dóstachu. Na platformje hódnoća bywši a tuchwilni dźěłaćerjo swojeho dźěłodawarja.

Grahl hižo pokładnik CDU njeje

Drježdźany. Matthias Grahl, předsyda frakcije CDU w Budyskim wokrjesnym sejmiku, je swoje zastojnstwo jako pokładnik w předsydstwje sakskeje unije złožił. Wón wumjetuje CDU, zo za krajny etat ze Zelenymi a Lěwicu kooperuje („300 milionow za kormjenje lěwicarskeho přiwiska“), zo je wona „swoju migracisku politiku spušćiła“, kaž tež „wopačne wodźenje po planowym hospodarstwje“.

Lěpši zwisk tež do Łužicy