Koparskej partiji přesunjenej

štwórtk, 20. februara 2020 spisane wot:

Serbski koparski derby mjez prěnimaj mustwomaj Sokoła Ralbicy/Hórki a ST Ma­rijineje hwězdy, kotryž chcychu poprawom njedźelu w Ralbicach přewjesć, je Zapadołužiski koparski zwjazk na 22. měrc w 13 hodź. přesunył. W Dela­nach ponowjeja Sokoljo tuchwilu hosćenc w sportowym domje, w kotrymž přihladowarjow a sportowcow posłužuja. Tež duel ST Horni kraj-Sprjewja – Póst Germania Budyšin jutře póstnic dla njebudźe.

regionalna liga muži

21.02. 19:00 BFC Dynamo –

  VSG Altglienicke

21.02. 19:00 Wacker Nordhausen –

  SV Lichtenberg 47

22.02. 13:30 BSG Chemija Lipsk –

  Germania Halberstadt

22.02. 13:30 SV Babelsberg –

  Union Fürstenwalde

22.02. 13:30 Optik Rathenow –

  Lok Lipsk

22.02. 16:00 VfB Auerbach –

  FC Energija Choćebuz

23.02. 13:30 Berlinski AK –

  Hertha BSC II

23.02. 13:30 FC Viktoria Berlin –

  Biskopičanske KT

23.02. 13:30 ZFC Meuselwitz –

  Čerwjeno-běli Erfurt

krajna liga

22.02. 14:00 Jednota Kamjenc –

  FV Přezjednota Niska

22.02. 14:00 Großenhainski FV 90 –

  SG Motor Wilsdruff

22.02. 14:00 Budissa Budyšin –

  LSV Nowe Město

22.02. 14:00 SG Taucha 99 –

  Kickers 94 Markkleeberg

22.02. 14:00 Radebeulski BC 08 –

  FC Módro-běli Lipsk

23.02. 14:00 FSV Nowosólc-Hródk –

  BSG Wocl Riesa

23.02. 14:00 Germania Mittweida –

  VfL Pirna-Copitz 07

23.02. 14:00 FC 1910 Lößnitz –

  Rjemjesło Rabenstein

Wulkotna načolna hra

srjeda, 19. februara 2020 spisane wot:

FC Energija Choćebuz

– 1. FC Lok Lipsk 2:2 (0:2)

Zestawa domjacych: Stahl – Fl. Brügmann, Müller, Koch, Borgmann, Eisenhuth, Erlbeck (46. Pelivan), Rangelow, Geisler (45. Taz), Broschinski, Fe. Brügmann

Rekordna kulisa nimale 10 000 wopytowarjow dožiwi hru daloko nad niwowom štwórteje ligi. W prěnim połčasu postajachu hosćo ze swojej pasowej hru scenarij, tak zo bě nawjedowanje 2:0 (9./19.) dospołnje zasłužene. Energija njemóžeše ničo znapřećiwić, dokelž pobrachowachu jej sylnosć w dwubojach, sebjewědomje a tempo.

Personalne změny w mustwach

srjeda, 19. februara 2020 spisane wot:

Zymski čas w kopańcy woznamjenja čas změnow. Tež na polu serbskeje ko­pań­cy so tuchwilu tójšto hiba. Tak přihotuja so koparjo na druhu połseriju, na tamnej stronje pak so tež za kulisami w serbskich towarstwach něštožkuli stawa. Štó kotre mustwo wopušći a kotry­ hrajer so hdźe zaso přizamknje, wo tym­ rozprawja Clemens Šmit.

Sokoł Ralbicy/Hórki: Trenar Sokoła Chrystof Gloxyn móže wot januara z Tomašom Bejmu planować, kiž so wot Rakečanskeho ST nawróći.

ST Marijina hwězda: Nowi hrajerjo so tam­ předstajili njejsu, za to su wjacori po zranjenju zaso wustrowjeni, mjez druhim Paul Schmidt a Oskar Hawš. Nastu­pajo wotchady je nas ze stron klóšter­skich koparjow jeničce powěsć docpěła, zo wrotar Fabian Hejduška towarstwo wopušći.

W treningowym lěhwje byli

wutora, 18. februara 2020 spisane wot:

Tež lětsa su so Njebjelčanscy koparjo zaso do zymskeho treningoweho lěhwa w horach podali. Hotel Žalý w małej čěskej­ wsy Benecko skićeše nětko hižo druhe lěto kwartěr. Dohromady šěsnaće hrajerjow bě zhromadnje z trenarskej dwój­ku Handrijom Krawčikom a Danielom Ričelom sobu jěło, zo bychu na kon­diciji za druhu połseriju filowali.

ST Hnašecy-Dobruša

– ST 1922 Radwor 0:2 (0:0)

Za hosći zasadźeni: Grenzemann – Wróbl, F. Šěrak, Kral, A. Schulze, Pěčak, Paška, Wjacławk, T. Schulze, Reinecke, Hettasch, Dej, Krječmar, Sćapan

Prěnje koparske mustwo ST 1922 Ra­dworja poda so předwčerawšim, nje­dźelu, k wokrjesnemu wyšemu ligistej ST Hnašecy-Dobruša, zo by tam swój test do zazběha druheje połserije přewjedło. Chowancy Andreasa Schultza, kotřiž znaja­ přećiwnika ze zašłeje hrajneje doby w najwyšej lize Zapadołužiskeho koparskeho zwjazka, nastupichu nětko z nowym hrajnym systemom. A tón bě w dotalnych přihotowanskich partijach hižo wuspěšnje fungował, tak na přikład tydźenja w Pančicach-Kukowje pola Sportoweho towarstwa Marijina hwězda, kotrež tohorunja klasu wyše hraje.

Z dobyćom na 3. městno so polěpšili

wutora, 18. februara 2020 spisane wot:
Koparjo prěnjeho mustwa Módro-běłych Kulow smědźa so po dobytej winowa­tostnej partiji zašły kónc tydźenja ćim bóle na karnewal wjeselić. Po triumfje 2:1 w dočasnje přewjedźenej hrě wokrjesneje wyšeje ligi steja woni nětko na 3. městnje tabulki. Foto: Werner Müller

Wupisanje za sokołski wolejbulowy turněr

wutora, 18. februara 2020 spisane wot:

38. sokołski wolejbulowy turněr wo pokal Domowiny budźe sobotu, 16. meje, w Radworskej sportowej hali „Slavia“. Cyłkowne wupisanje steji na internetnej stronje Serbskeho Sokoła.

Wobkedźbować mustwa maja, zo při­słuša kóždemu z nich znajmjeńša pjeć (wšitcy pjećo dyrbja na hrajnišću stać a hrać), maksimalnje dźesać hrajerjow, zo su měšane cyłki muži a žonow dowolene, zo smě jednotliwc w běhu turněra jenož w jednym mustwje nastupić a zo je zapłaćenje startoweho pjenjeza dwaceći eurow na konto Serbskeho Sokoła zdobom zawjazowace přizjewjenje mustwa (konto: Kreissparkasse Bautzen, IBAN: DE 31 8555 0000 1000 0983 77 / SWIFT-BIC: SOLADES1BAT, mějićel konta: Serbski Sokoł z.t. / pod wužiwanskim zaměrom pro­šu zapisać: mjeno mustwa, zamołwity, mailowa adresa zamołwiteho). Šulerske cyłki žadyn startowy pjenjez njepłaća.

Wo ćělne derjeměće budźe postarane. Termin přizjewjenja je 29. februar 2020. Termin a městnosć wulosowanja hišće podamy, na kóždy pad do jutrownych prózdnin. Milan Funka, starosta

Wuslědki (18.02.20)

wutora, 18. februara 2020 spisane wot:

Kopańca, regionalna liga muži

Hertha BSC II – Meuselwitz 2:0 (1:0)

Erfurt – Rathenow wupad

Halberstadt – Nordhausen 3:2 (1:1)

Choćebuz – Viktoria Berlin 2:2 (1:1)

Lichtenberg – BFC Dynamo 1:1 (0:0)

Altglienicke – Berlinski AK 1:3 (1:1)

Lok Lipsk – Auerbach 3:1 (2:0)

Biskopičanske KT – Babelsberg wupad

Fürstenwalde – Chemija Lipsk 0:0 (0:0)

1. Lok Lipsk 22 40 : 24 45

2. FC Energija Choćebuz 21 51 : 31 44

3. VSG Altglienicke 22 54 : 29 42

4. Hertha BSC II 22 54 : 32 39

5. Union Fürstenwalde 22 42 : 31 34

6. BFC Dynamo 22 28 : 25 34

7. FC Viktoria Berlin 22 22 : 16 32

8. Berlinski AK 22 45 : 35 31

9. SV Lichtenberg 47 21 26 : 28 27

10. ZFC Meuselwitz 21 32 : 35 27

11. VfB Auerbach 21 35 : 45 26

12. BSG Chemija Lipsk 22 18 : 22 23

13. Wacker Nordhausen 20 41 : 32 21

14. Germania Halberstadt 22 25 : 40 20

15. Čerwjeno-běli Erfurt 19 18 : 27 19

16. Optik Rathenow 21 18 : 41 18

17. SV Babelsberg 20 18 : 36 14

18. Biskopičanske KT 20 16 : 54 11

krajna liga

Budissa Budyšin – Taucha  3:0 (2:0)

Njetrjebawše zmylki worali

póndźela, 17. februara 2020 spisane wot:

Sokoł Ralbicy/Hórki – ST Horni kraj-Sprjewja 1:4 (0:1)

Zestawa domjacych: Schöne – Materna, Wałda, Schultz, Matka (81. Kobalc), Rawš (71. Lulak), Bejma, Gloxyn, M. Kurjat (79. Nuk), G. Kurjat, Domaška

Dominowali a přiwšěm přěhrali

póndźela, 17. februara 2020 spisane wot:

Módro-běli Wocl Freital

– ST Marijina hwězda 2:1 (0:0)

Za hosći zasadźeni: Matik – Zelnak, Rab, Hawš, Čornak, Jurš, Cyž, Schmidt, Pjetaš, J. Pakoßnick, Eldor, Fe. Langer, Fa. Langer, L. Langer, K. Pakoßnick

Pola cyle cuzeho přećiwnika w Freitalu nastupichu koparjo prěnjeho mustwa ST Marijineje hwězdy sobotu k testowej hrě. Domjace mustwo hraje w lize Sakska Šwica/Wuchodne Rudne horiny. Tón dźeń zamołwity trenar Bodo Pjetaš je nowy hrajny system 3-4-3 wupruwował. Na małym kumštnym trawniku hosćo duel wot wšeho spočatka dominowachu a mějachu hrajnu přewahu. Hač k šěsnatce tež častodosć derje kombinowachu, ale stoprocentne móžnosće njemóžachu sej nadźěłać. Najlěpšu šansu měješe Jakob Pakoßnick w 6. min. Třělwa ze zda­lenosće sydom metrow pak dźěše snadnje nimo wrotow. Domjacy stejachu jara kompaktnje w defensiwje, a tak spytachu Pančičenjo přez křidle wuspěšni być. Finalne přihrawki pak njeběchu precizne dosć. Na tamnym boku spytachu so domjacy z třělwami z distancy. Tež hóstny wrotar Dawid Matik běše přeco na městnje, a tak dźěše bjez wrotow do kabiny.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND