Pokiwy (05.06.15)
Drastowa skupina swjeći
Židźino. Serbska drastowa skupina Židźino přeprošuje hosći składnostnje 20. zarjadowanja Swačina na pólnej mjezy njedźelu, 7. junija, na swjedźeń. W 10 hodź. swjeća před wobydlerskim domom kemše. Po tym budu rjemjeslniske wiki. W 13 hodź. pokazaja Židźinski chór a rejwarjo kaž tež wjesna młodźina swój kulturny program.
RCW pyta pomocnikow
Budyšin. Rěčny centrum WITAJ pyta serbskich młodostnych wot 16 lět, kotřiž chcyli we wubranych pěstowarnjach dwaj tydźenjej prózdninske dźěło wukonjeć. Nadawk pomocnikow je, so z dźěćimi serbskeje skupiny w serbskej rěči zaběrać. Dźěło budźe zarunane. Zajimcy njech so hač do pjatka, 19. junija, w RCW pod telefonowym čisłom 03591/55 04 00 přizjewja.
Muzejowy swjedźeń
Rozhłós (05.06.15)
Njedźelu hornjoserbsce
11:00 Łužica tónle tydźeń, mjez druhim „junijske wjedrowanje“
11:15 Wólby 2015
11:50 Jan Cyž šěsćdźesatnik
12:00 Nabožne wusyłanje
(Kulowski farar Gabriš Nawka)
po tym Zbožopřeća
delnjoserbsce
12:30 Aktualny magacin, mjez druhim 25 lět Choćebuski Serbski dom a předstajenje kandidatow za serbsku radu
13:00 Škrěkawa – policist w holi
13:30 Nabožne wusyłanje
(Cyril Pjech)
13:40 Zbožopřeća
Předstaja kandidatow
Do kina (04.06.15)
4.6.–10.6.2015: Spy – Susan Cooper Undercover: wšědnje 15 hodź. (nimo štw, pó a srj), 17:30 a 20 hodź. | pj a so 22:30 hodź. Miss Bodygard: srj 19:45 hodź. San Andreas: wšědnje 16:45 hodź. (nimo štw, wu a srj) a 19:30 hodź. (nimo srj), srj 19:45 hodź. | pj a so 22 hodź. | w 3 D A World Beyond: štw, wu a srj 16:45 hodź. | pj, so a nj 17 hodź. Mad Max: wšědnje 19:45 hodź. (nimo pó a srj) Pitch Perfect 2: wšědnje 18:15 a 20:30 hodź. | pj a so 22:45 hodź. Ostwind 2 – Rückkehr nach Kaltenbach: wšědnje 16 hodź. | nj 12:30 hodź. | pj, so nj a wu 13:45 hodź. Kein Ort ohne mich: nj 12:30 hodź. Avengers – Age of Ultron: štw, so, wu a srj 17 hodź. | w 3 D Honig im Kopf: pj, so, nj a wu 14:15 hodź. Tinkerbell und die Legende vom Nimmerbiest: pj, so, nj a wu 15 hodź. | w 3 D Fast & Furious 7: pj 22 hodź. Shaun das Schaf: nj 12:30 hodź.
Kino-ekstra: Sehnsucht nach Paris: pó 17:15 a 20:15 hodź.
Pokiwy (03.06.15)
Wo swjedźenju Božeho ćěła
Chrósćicy. W Hessenskej telewiziji pokazaja jutře, 4. junija, w 10.30 hodź. kulturnu dokumentaciju „Bože ćěło drastu nosyć“ (Tracht tragen an Fronleichnam). Do filma zapřijaty je něhdźe dźesaćminutowski wotrězk wo swjedźenju Božeho ćěła w Chrósćicach. Režiserka Brunhilde Miehe je w Ludowym nakładnistwje Domowina před někotrymi lětami wozjewiła swoju knihu wo serbskich drastynošerkach „Drasće swěrne wostali“.
Pytaja hóstnych staršich
Pokiwaj (02.06.15)
Přednošujetej wo nałožkach
Stróža. Z nałožkami Serbow w běhu lěta zaběra so přednošk dr. Ines Kelleroweje a Andreje Pawlikoweje jutře, srjedu, w 19 hodź. w Stróžanskim Domje tysac hatow. Zastup płaći dwaj euraj, potuńšeny euro. Zarjadnistwo biosferoweho rezerwata Hornjołužiska hola a haty wšitkich zajimcow wutrobnje přeproša.
Na „hłownu“ Viktorije
Worklecy. Sportowe towarstwo Viktoria Worklecy přeproša swojich čłonow, přećelow a sympatizantow na hłownu zhromadźiznu, kotraž budźe pjatk, 5. junija, w 19 hodź. we Worklečanskej sportowej hali. Nimo rozprawy a přichodnych předewzaćow informuja tam wo planowanym přetwarje sportownje.
W galeriji Budissin na Hrodowej 19 wotewru dźensa w 19 hodź. ...
Předawaja lisćiki za festiwal
Budyšin (SN). Za XI. mjezynarodny folklorny festiwal „Łužica 2015“ započnje so póndźelu, 1. junija, předpředań zastupnych lisćikow. Kartki poskićataj Budyska Serbska kulturna informacija a Chróšćanski časnikar Jürgen Njek. Kombinowany tiket za sobotu, 11., a njedźelu, 12. julija, w Chrósćicach płaći za dorosćeneho w předpředani 13, při wječornej kasy 18 eurow. Potuńšene lisćiki za šulerjow, studentow a zbrašenych płaća w předpředani pjeć, při wječornej kasy šěsć eurow. Swójbnu kartku dóstanjeće, hdyž předpołožiće swójbny pas. W tym padźe płaćitaj staršej połnu płaćiznu, dźěći maja darmotny zastup.
Za swjedźenske zahajenje z galaprogramom štwórtk, 9. julija, w 19.30 hodź. na Budyskim hrodźe Němsko-Serbske ludowe dźiwadło zastupne lisćiki předawa. Za dorosćeneho płaći tajki w předpředani wosom, při wječornej kasy dwanaće, potuńšene w předpředani pjeć a při wječornej kasy dźewjeć eurow.
Sprjewine město zaso wulce swjeći
Budyšin (SN). Wot dźensnišeho hač do njedźele wotměwa so zaso Budyske nalěćo. Na wopytowarjow čaka hudźba na mnohich jewišćach, słódne jazyki móža so na kulinariske wosebitosće wjeselić. Serbska piwowa zahroda je zaso pod Bohatej wěžu. Mjez hudźbnymi a dalšimi skupinami su wjacore, kotrež hišće w Budyšinje byli njejsu. Derje znata je porno tomu Smjerdźečanska rejwanska skupina, kotraž ze skupinu Sprjewjan sobotu w 14.30 hodź. na jewišću na Žitnych wikach swój nowy program z wěncom serbskich ludowych rejow předstaji.
K njedźelnemu rańšemu piwku hraje wot 11 hodź. na Hłownym torhošću dixielandowa kapała Leipziger Allstars, zestajana z jazzowych hudźbnikow z časa NDR. W samsnym času móžeš sej rańše piwko tež na Žitnych wikach popřeć a při tym na zynki Chróšćanskich muzikantow z Achimom Dučmanom słuchać.
Pokiwy (29.05.15)
Safari po rezerwaće
Stróža. Hižo rano w šesćich poda so znajer přirody Gisbert Hiller jutře, 30. meje, ze zajimcami z Domu tysac hatow w Stróži na safari po biosferowym rezerwaće. Jedna ze stacijow je mjez druhim wuhladnišćo „Při Ćežkej horje“ w susodstwje Wochožanskeje jamy, zwotkelž podadźa so pućowacy dale do kulturneje krajiny a do rezerwata Dubjanski lěs.
Pohladaj tola raz nutř ...
Budyšin. Štóž sej rady tykowane domy wobhladuje, tón chce twarjenje zawěsće tež jónu wotnutřka widźeć. Činić móža to zajimcy njedźelu, 31. meje, na dnju wotewrjenych tykowanych domow Němskeje wot 10 do 17 hodź. tež w Budyskim a Zhorjelskim wokrjesu. Wćipnych hosći mjez druhim rady w Kumwałdźe, Habrachćicach, w Hrodźišću, we Wósporku a Małym Wosyku rady witaja. Na tójšto městnach, kaž w domizniskich muzejach, su tež wodźenja planowane. Za wopytowarjow změja wobsedźerjo tykowanych domow za wopytowarjow zakusk přihotowany.
Mytuja najrjeńše zapřahi
