Wuspěšna sezona lubi dobre wuwiće

wutora, 31. julija 2018
artikl hódnoćić
(0 )
Hrajna scena z wolejbuloweho duela wo wokrjesne mišterstwo mjez mustwom Sportoweho towarstwa Marijina hwězda a Sokolnikom Wjazońca: Pančičenjo su hru w domjacej hali 2:0 dobyli. Foto: Jörg Stephan Hrajna scena z wolejbuloweho duela wo wokrjesne mišterstwo mjez mustwom Sportoweho towarstwa Marijina hwězda a Sokolnikom Wjazońca: Pančičenjo su hru w domjacej hali 2:0 dobyli. Foto: Jörg Stephan

Po zakónčenju sezony na 2. městnje we wokrjesnej klasy a jako wicemišter wokrjesa Budyšin su wolejbulisća z Pančic-Kukowa při grilowanju na hrajnu dobu wróćo zhladowali. Do spočatka dypkowych hrow běchu so na nowy system dojednali. Tak nastajichu stajnu šestku, kotraž ma so primarnje zasadźić. Njemóžeše-li so hrajer na hrě wobdźělić, měješe tón kruteho zastupjerja. Tak bě kóždemu wěsta pozicija na polu zawěsćena, a mužojo móžachu so na so nastajić. Tak nasta woprawdźite mustwo, wuprudźace suwerenosć a dobyćersku wolu. To pokaza tež fakt, zo su mužojo ST Marijineje hwězdy jako jeničcy pozdźišeho dobyćerja stafle ST Sokolnik dwójce porazyli. Powšitkownje system ze stajnej šestku přez cyłe lěto dosć derje fungowaše, štož zaleži tež na tym, zo je so wolejbulistam dale poradźiło dorost za mustwo zdobyć. Loni hrajachu wšak hišće z mysličku, druhe mužace mustwo wutworić. Aktualny puć klóšterskeho cyłka pak je definitiwnje lěpša warianta.

wozjewjene w: Sport
Prošu přizjewće so, chceće-li komentar podać

Serbska debata

nowostki LND