Štwórta poražka pospochi

štwórtk, 04. apryla 2019
artikl hódnoćić
(0 )
Marcus Mlynikowski (Berlinski AK) dyrbi hrajnišćo po čerwjenej karće dočasnje wopušćić.  Foto: Torsten Zettl Marcus Mlynikowski (Berlinski AK) dyrbi hrajnišćo po čerwjenej karće dočasnje wopušćić. Foto: Torsten Zettl

FSV Budissa Budyšin – Berlinski AK 07 0:1 (0:1)

Zestawa domjacych: Schulz – Kunze (80. Krawčik), Dartsch, Weiß, Kral, Schlicht, Hoßmang, Schmidt, Treu, Langr (17. ­Kasiar), Merkel (46. Wockatz)

Znowa stejachu koparjo Budissy před ćežkim nadawkom, wšako bě druhi regionalneje ligi, sewjerowuchod na Młynkec łuku přijěł. Po třoch poražkach chcychu Budyšenjo doma dypkować a so skónčnje ze zestupneho pasma dóstać. Trenar Petrik Sander chcyše nowe impulsy sadźeć a změni zestawu hrajerjow hnydom na pjeć pozicijach. Prěnju móžnosć partije měješe Eric Merkel, třělwu pak wrotar Berlinskeho AK Pascal Kühn wěsće wotpopadny (8.). Njezbožo mějachu domjacy, jako dyrbješe jich nadběhowar Marek Langr hrajnišćo zranjenja dla dočasnje wopušćić (17.). Najlěpšu šansu na wrota měješe w prěnim połčasu Seref Özcan z třělwu ze 14 metrow (40.). Dalšu składnosć krótko po tym hosćo k nawjedowanju wužichu. Z dwójnym pasom bě Budyski škit wuhraty, a Abu-Bakarr Kargbo trjechi 0:1 (44.).

wozjewjene w: Sport
Prošu přizjewće so, chceće-li komentar podać

Serbska debata

nowostki LND