Najebać njezbožownu jědnatku na kursu do wosmifinala

štwórtk, 17. junija 2021
artikl hódnoćić
(0 )
Walizičan Gareth Bale so ze swojim mustwom po dobyću 2:0 přećiwo Turkowskej wjeseli, byrnjež sam jědnatku skepsał.  Foto: pa/Darko Vojinovic Walizičan Gareth Bale so ze swojim mustwom po dobyću 2:0 přećiwo Turkowskej wjeseli, byrnjež sam jědnatku skepsał. Foto: pa/Darko Vojinovic

Baku (kh/SN). Narodne mustwo Waliziskeje steji na europskich koparskich mišterstwach (EM) před zaćahom do wosmifinala. Mu­stwo trenarja Roberta Pagea doby w druhej skupinskej hrě suwerenje z 2:0 přećiwo Turkowskej. Jeje wubranka, kotraž bu w Bakuwje wot něhdźe 30 000 přiwisnikow podpěrana, steji z nul dypkami po dwěmaj partijomaj před kóncom. Aaron Ramsey docpě po přihrawce Garetha Balea w 42. min. prěnje wrota za Walizičanow. W druhim połčasu bě Bale jědnatku njezbožownje přetřělił, pomhaše pak krótko do wothwizdanja z wuspěšnej přihrawku Connorej Robertsej trjechić kónčne 2:0.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND