Prěnja poražka žonow DFB w skupinskej hrě WM po 1995

póndźela, 31. julija 2023
artikl hódnoćić
(0 )
Twjerdu hru Kolumbičankow nazhoni tež Lena Oberdorf.  Foto: dpa/S. Ch. Gollnow Twjerdu hru Kolumbičankow nazhoni tež Lena Oberdorf. Foto: dpa/S. Ch. Gollnow

Němska wubranka je druhu skupinsku hru na swětowym mišterstwje kopańcy žonow w Awstralskej a Nowoseelandskej dramatisce přećiwo Kolumbiskej z 1:2 přěhrała. Situacija w skupinje H je z tym nětko chětro napjata. Hrube wašnje hraća kopańcy Kolumbičankow, testowa hra do WM přećiwo Irskej bě so po brutalnych foulach dočasnje zakónčiła, Alexandra Popp zahe začuwaše. W chribjeće sudnicy Melissy Borjas z Hondurasa sadźi jej Daniela Arias dyr do kónčiny žołdka. Popp padny, ju dyrbjachu lěkować. Krutosć, kotruž bě trenarka Voss-Tecklenburg do hry připowědźiła, trjechi Němsku z połnej sylnosću. Křidłowe klěšće wobstejo z Klary Bühl a Jule Brand njepřińdźechu přećiwo hosćom do partije a srjedźa bu Popp wot wjacorych hrajerkow z hry wzata. ­Jónu pak zhubichu najstrašnišu Němku z wočow. W 43. min. přizemi wotfalšowana třělwa wot Magul před noze kapitanki. Popp steješe dospołnje swobodna, honješe bul pak direktnje ze šěsć metrow přez kašćik. To bě najlěpša šansa we wurunanym prěnim połčasu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND