Sokoljo horcy bój na kóncu tola dobyli

póndźela, 18. septembera 2023
artikl hódnoćić
(0 )
Křesćan Bejmak (srjedźa, Ralbicy), třělc rozsudnych wrotow wčera w Delanach.  Foto: Konstantin Hrjehor Křesćan Bejmak (srjedźa, Ralbicy), třělc rozsudnych wrotow wčera w Delanach. Foto: Konstantin Hrjehor

Sokoł Ralbicy/Hórki –

Biskopicy FV II 1:0 (0:0)

Zestawa domjacych: Ch. Gloxyn – An. Wałda (70. Matka), A. Wałda, Heidorn, Rawš, Rachela (77. Schultz), Mjechela, Korjeńk, Šołta (90. Šiman), D. Gloxyn, Kř. Bejmak

Při lěćnych temperaturach witachu Sokoljo njedźelu popołdnju rezerwu z Biskopic do Delan.

Hosćo mějachu wot spočatka wjace podźěla při bulu, tola defensiwa domjacych steješe stabilnje a njedowoli žane strašne wotzamknjenja. Po 26 mjeńšinach třěli Pawl Rachela bul wótrje na wrota, tola trjechi jenož wonkowny sak. Dwě mjeńšinje pozdźišo wotwobara wrotar třělwu Dawida Šołty. Nětko běchu Sokoljo w hrě. Šołta dósta podlěšeny bul, tola na wrotarju zwrěšći. Najlěpšu składnosć za nawjedowanje měješe Bejmak. Rachela bě bul ze zakładneje linije wróćo hrał, tola Pěskečan so wobsuny a tak bul prawje njetrjechi. Tak dźěše bjez wrotow do kabiny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND