Dynamo dale na čole tabulki třećeje ligi

srjeda, 27. septembera 2023
artikl hódnoćić
(0 )

Sedmy hrajny dźeń je nimo a Dynamo Drježdźany su dale na prěnim městnje w třećej lize. Pjeć hrow je SJD nětko hižo njeporažena. Njedźelu poradźi so samo derbyjowe dobyće 2:1 přećiwo hosćom z Aue. Po partiji w Mannheimje dyrbješe Dynamo Drježdźany do Dortmunda k druhemu mustwu Borussije. We Signal Iduna-parku běchu před wulkej Drježdźanskej kulisu z 2:0 dobyli. Wrota běštaj kapitan Stefan Kutschke w 6. min. a Dennis Borkowski z přetworjenym pokutnym kopom w 77. min. třěliłoj.

Před wupředatej kulisu su so Drježdźanjenjo w slědowacej domjacej partiji přećiwo FC Ingolstadt spočatnje ćežko činili. Po čerwjenej karće za kapitana hosći Niclasa Fröde krótko do połčasa, padnychu prěnje wrota dnja hakle w druhej połojcy. W 62. min. bě Panagiotis Vlachodimos bul perfektnje k 1:0 trjechił. W 90. min. trjechi Manuel Schäffler z energiskim kopom do dołheho róžka k 2:0.

wozjewjene w: Sport
Prošu přizjewće so, chceće-li komentar podać

Serbska debata

nowostki LND