Předewšěm starši sej zakładne znajomosće za komunikaciju přiswojeja
Budyšin (SN/MiR). Lětsa zarjaduje Budyski Rěčny centrum WITAJ tři zakładne rěčne kursy serbšćiny za dorosćenych. Wotrjadnica RCW Manuela Smolina praji: „Su to wosebje starši, kotřiž swoje dźěći do serbskeje šule sćelu a so tohodla na zakładnych kursach wobdźěleja.“ Wjetšina staršich tajki kurs wopytuje, zo bychu sej zakładne kmanosće komunikacije w serbskej rěči přiswojili a přichodnje swojim dźěćom při domjacych nadawkach pomhać móhli.