Čorny Chołmc (SN/MiR). Štyričłonska dźěłowa skupina zaběra so w Čornym Chołmcu z nowej formu wabjenja. Sćěnowiny, tak mjenowane roll-upy, kotrež hodźa so lochce transportować, maja wo nałožkach regiona informować. „Serbske nałožki mnozy znaja. Chcemy tuž pokazać na wosebitosće, kotrež w Čornym Chołmcu mamy, na přikład na te w jutrownym času“, wuswětla jednaćel Krabatoweho młyna Tobias Čižik.